میرا ڈنگہ

ڈنگہ(محمد بلال احمد بٹ)پاکستان مسلم لیگ ن کے راہنما سیکرٹری مسلم لیگ ن ڈویثرنل آرگنائزر کمیٹی چوہدری جعفر اقبال نے کہا ہے کہ پیپلز پارٹی کی حکومت کی کرپشن اور نا اہلی کے باعث ملک کا ہر شعبہ تاریکی میں ڈوب گیا ہے،ان چار برسوں میں اشیائے خوردونوش کی قیمتوں میں چار سو فیصد سے زیادہ اضافہ ہو ا ہے حکمران تیل بجلی اور گیس کی قیمتوں میں کھربوں روپے کا منافع لے کر عوام کی جیبوںپر کھلا ڈاکہ ڈال رہے ہیں،جو حکومت24میں سے22گھنٹے بجلی بند رکھے اسے اپنی مقبولیت کی ڈینگیں مارنے کی بجائے غریب عوام کی بند بجلی کے بھاری بلوں سے نجات دلانی چاہیے انہوں نے کہا کہ وفاقی حکومت خارجہ تعلقات،سفارت کاری اور سرمایہ کاری حاصل کرنے سمیت ہر محاذ پر شکست کھا چکی ہے انہوں نے کہا کہ سزا یافتہ وزیراعظم کو فوری طور پر مستعفی ہو کر سیاست کی عزت رکھ لینی چاہیے عدالتوں کی توہین کرنے سے کسی کو کبھی شہادت نہیں ملی۔